НВО Саем 2005

НВО саем 5 Форум на граѓанското општество во Mакедонија

2009-07-29T10:25:12Z

Информација за настанот

НВО Саемот- 5 Форум на граѓанското општество во Македонија ќе се одржи од 9 до 11 декември 2005 година на Скопски саем.
На НВО Саемот можат да учествуваат:
- здруженија на граѓани и фондации регистрирани во Македонија;
- странски и меѓународни организации и агенции со седиште во Македонија;
- Владини институции (министерства, агенции).
На НВО Саемот ќе бидат поканети и гости од регионот.

Целта на овој настан е да создаде простор за размена на искуства и да го поттикне меѓусебното разбирање и почитување на граѓанските организации, да поттикне поголем дијалог меѓу граѓанските организации, да го зголеми нивото на нивната комуникација, координација и соработка, да ја зголеми информираноста на јавноста и другите актери за активностите на граѓанските организации, како и да придонесе кон размената на информации со организации од регионот.

НВО Саемот се состои од три компоненти:

Форумски активности;
Изложбен дел;
Социо-културни настани.

НВО Саемот ќе има носечка тема и фокус-земја кои треба да дадат обележје на настанот и да провејуваат во сите негови компоненти. Носечката тема ќе биде Децентрализацијата, додека фокус-земја ќе биде Република Албанија.

Не се работи доволно на промена на сликата за Македонија

2009-07-31T08:46:31Z

Македонија како бренд - колку и како се претставува во светот

Валентин Николовски: “На негативните искуства со брендот Македонија влијаат недоволно искористеното античко наследство и случувањата поврзани со Рамковниот договор и настаните од 2001 година“

“Многу малку досега сме постигнале во оформувањето на брендот Македонија, иако во земјата има многу потенцијал што не е искористен“ изјави меѓудругото воведничарката Калина Јанковска од маркетин агенцијата “Маркет вижн#, на тркалезната маса под наслов “Македонија како бренд-колку и како се претставува во светот“, организирана од Македонскиот центар за култура и развој. Тркалезната маса се смета за своевидна база за формирање и реализирање на стратегија за брендирање на државата, на која Ценатарот започнува континуирано да работи.

Откриена јама длабока 300 метри

2009-07-31T08:45:46Z

Македонско - словачка експедиција Солуунска Глава 2005

Спелеолошкото друштво “Пеони” од Скопје, кое имаше и свој штанд на НВО саемот, ги промовираше активностите и добиените сознанија од реализираната македонско - словачка експедиција на Солунска Глава во 2005 година, каде освен гостите од Словачка, учествувале и дел од неговите членови.

Граѓанските организации стануваат дел од новата власт

2009-07-31T08:44:47Z

Граѓанското општество во Киргистан по револуцијата од 24 март 2005

Граѓанските организации на Киргистан учествувале во симнувањето од власт на поранешниот претседател Аскар Акаев.

На третиот ден од одржувањето на НВО саемот, гостите од Киргистан, кои имаа и свој штанд во една од халите, преку одржаната 45 минутна презентација, ги запознаа присутните посетители со развојот на граѓанското општество во својата земја, фокусирајќи се на најновата историја по револуцијата од 24 март годинава, во кој што процес на смена на власта, активно учествувале и граѓанските организации.

Организациите живеат од изградената доверба

2009-07-31T08:43:39Z

Доброто управување со граѓанските организации

Само 13 % од граѓанските организации, во последниве 15 години ја смениле раководната структура

Одржувањето на панелот под наслов “Доброто управување во граѓанските организации” беше поврзан и со презентација на истоимениот прирачник, од Келменд Зајази. Во него Зајази ги внел досегашните евидентирани искуства за управувањето во граѓанските организации во Македонија, укажувајќи на, и објаснувајќи ја потребата од добро управување, но внесувајќи и препораки што може да се направи за да се надминат постоечките проблеми.

Твојот потпис е закон

2009-07-31T08:42:31Z

Презентација

Во кампањата за законот за хендикеп досега се собрани околу 6 000 потписи Под наслов “Твојот потпис е закон”, во Македонија е во тек кампањата на граѓанската организација Полио плус, за донесување на Закон за заштита на прават и достоинството на лицата со хендикеп, презентирана и пред полна саемска сала на Меѓународниот ден за почитување на човековите права 10 декември.

Сите сакаат работници со искуство, а никој не сака студенти на пракса

2009-07-31T08:40:35Z

За студентската стручна пракса и скратено работно време

- Потребни се промени во Законот за работни односи каде што би се додал акт со кој се уредуваат правата на студентите на скратено работно време, како и правото за стручна пракса, која по углед на сите европски земји, би била платена.

- Недостаток на закон кој би ја регулирал работата на студентите донесе до тоа да и оние работодавци кои ќе се одлучат да ги примат студентите на работа биваат казнувани од трудовата инспекција која студентската работа ја гледа како работа на црно. Така се случи еден работодавец да биде казнет со 55.000 денари казна поради тоа што одреден број студенти кај него работеле во рамките на усовршување и задолжителна стручна пракса.

Да се овозможи лекување на маргинализираните општествени групи

2009-07-31T08:36:14Z

Улога на граѓанскиот сектор во обезбедување здравствени услуги

Невладиниот сектор одигра круцијална улога во обезбедување на пристапот до здравствените услуги на маргинализираните општествени групи. Кога невладините организации пред десетина години почнаа да обезбедуваат дел од здравствените услуги, пред се, за вулнерабилните групи, многумина тоа го протолкуваа како почеток на паралелен здравствен систем во државата.

За бесплатни прегледи за сите жени

2009-07-31T08:34:12Z

Подигнување на свеста кај жените за рано откривање на ракот на дојката - можности за промена на законската регулатива

Од 1989 до 2004 година со помош на скрининг биле прегледани 37.000 пациентки, а кај 6.000 од нив биле констатирани малигни промени на дојката. Во Македонија најмалку 14 медицински центри низ целата земја мораат да го имаат ехо апаратот

За една жена која е заболена од рак на дојка се издвојуваат 15.000 евра за нејзин третман, а еден ехо апарат чини 25.000 евра.

На граѓаните им недостигаат информации за учество во одлучувањето

2009-07-31T08:31:46Z

Граѓаните во процесот на донесување одлуки

Звонко Шаврески го критикуваше донесувањето на законот за граѓански иницијативи, сметајќи дека истиот скратува дел од претходно постоечките можности за граѓаните

Организиран од страна на граѓанската организација МОСТ, панелот “Граѓаните во процесот на донесување на одлуки“, привлече големо внимание кај учесниците и публиката, иако, според изјавите на претседавачот Дарко Алексов, незадоволен од условите за неговото одржување,повеќе наликуваше на трибина.